მოგესალმებით მზიურის ბლოგზე !

მზიურელების ბლოგის“ ძირითადი დანიშნულება, რა თქმა უნდა, „მზიურის“ საქმიანობის ასახვაა. მოკლე „ნიუსებში“ სათქმელი ვერ ეტევა. იგივე მოვლენები დღიურის სტატიებში უფრო დეტალურად და უფრო განზოგადებულად გამოჩნდება.

იქნება ზოგადი თემებიც – განათლებასა და საინფორმაციო ტექნოლოგიებზე, განათლების სფეროში საინფორმაციო ტექნოლოგიების გამოყენებაზე, უფრო ხშირად კი ნიჭიერ ბავშვებთან მუშაობის პრობლემების შესახებ, კერძოდ კი – ინფორმატიკის საოლიმპიადო მომზადების თემაზე.

მიუხედავად იმისა, რომ ზოგადი თემებიც ძირითადად „მზიურის“ საქმიანობის კუთხიდან იქნება დანახული, მაინც იმედი გვაქვს, რომ დღიურის სტატიები არა მარტო „მზიურელებსა“ და მათ მშობლებს დააინტერესებს.

უშუალოდ „მზიურელების“ გარდა, ვფიქრობთ, ბლოგში სკოლების ინფორმატიკის მასწავლებლები და ინფომენეჯერებიც შემოიხედავენ, ვინაიდან ბევრი სტატია მათთვის იქნება გამიზნული.

შევეცდებით წარმოვაჩინოთ მზიურის გარდა ის ორგანიზაციები და პიროვნებები, რომლებსაც საკუთარი წვლილი შეჰქონდათ და/ან შეაქვთ ინფორმატიკის საოლიმპიადო მომზადების საქმეში. ერთად გავაანალიზოთ საოლიმპიადო მომზადების საქმისადმი სახელმწიფოს მიერ შემუშავებული პოლიტიკა და სტრატეგია.

ასევე, ვეცდებით, საზოგადოებას გავაცნოთ ამ სფეროს წარმატებული ახალგაზრდები, მათ მაგალითზე ერთად დავაკვირდეთ, რა როლის შესრულება შეუძლია ადამიანის ცხოვრებაში საოლიმპიადო მუშაობას.

ძალიან გვინდა, რომ მკითხველმა აქტიურად გამოთქვას თავისი აზრი კომენტარებში.

ვეცდებით, მკითხველს შევთავაზოთ სტატიების მრავაფეროვანი ფორმატი, მაგალითად:

საოლიმპიადო თემის ნიუსები, ოფიციალური დოკუმენტები და სპეციალისტების მოსაზრებები მათ შესახებ;

სახვადასხვა ღონისძიებების შესახებ ანგარიშები;

სხვადასხვა ღონისძიებათა მონაწილეების შთაბეჭდილებები;

რაიმე თემაზე ანალიტიკური სახის წერილები (როგორც ინდივიდუალური, ასევე ჯგუფური – დისკუსიის სახით);

წარმატებულ მასწავლებელთა და მათ ნამოწაფართა ბიოგრაფიული პორტრეტები/ინტერვიუები და სხვა.

 

ჩვენ შესახებ

Blog

გამოსადეგი რესურსები უცხოეთში სწავლის მსურველთათვის

1. ფონდი “საერთაშორისო განათლების ცენტრი”. http://www.cie.ge/ ამ ფონდში გაიგებთ ბევრ ინფორმაციას უცხოური უნივერსიტეტების შესახებ. აქვე არის კარგი ბიბლიოთეკა, სადაც არის მისაღები გამოცდებისათვის მოსამზადებელი ბევრი ლიტერატურა. 2. ორგანიზაცია “კვალი” www.kvali.org ეს საითი ეკუთვნის ორგანიზაცია “კვალს”. ამ ორგანიზაციის საქმიანობის ძირითადი სფეროა ხელის შეწყობა იმ ქართველი ახალგაზრდებისათვის, რომლებსაც უნდათ უმაღლესი განათლების მიღება აშშ-ში. საითზე არის ყველა ის აუცილებელი …

შეხვედრა წარმატებულ მზიურელებთან

გამოცდილების გაზიარების მიზნით მზიურში ეწყობა ხოლმე შეხვედრები წარმატებულ მზიურელებთან, რომლებიც უცხოურ უნივერსიტეტებში სწავლობენ ან უცხოურ ტექნოლოგიურ კომპიანიებში მუშაობენ. ეს შეხვედრები დღევანდელი მოსწავლეებისთვის არ არის მხოლოდ საჭირო ინფორმაციის მიღების საშუალება. ყოფილი მზიურელების წარმატება მათთვის ნათელი და ხელშესახები მაგალითია, რაც სათანადო სტიმულსა და მუხტს აძლევს სამომავლო ძალისხმევისთვის. ასეთი შეხვედრა ჩატარდა მზიურში გასული წლის მიწურულს. ბავშვებს შეხვდნენ: ნიკა …

აშშ ღია ოლიმპიადა ინფორმატიკაში

ბოლო პერიოდში სასკოლო ოლიმპიადები გარკვეულწილად საზოგადოების ყურადღების ცენტრში მოექცა. განსაკუთრებულ დაინტერესებას იწვევს ის სასკოლო საგნები, რომლებშიც საერთაშორისო ოლიმპიადა ტარდება – მათემატიკა, ფიზიკა, ინფორმატიკა, ბიოლოგია, ქიმია და ასტრონომია. ქართველი მოსწავლეები უკანასკნელ წლებამდე მხოლოდ პირველ სამ საგანში გამოდიოდნენ საერთაშორისო ასპარეზზე და არც თუ ცუდ შედეგებს აღწევენ. ბოლო წლებში ქართველი მოსწავლეები ბიოლოგიასა და ქიმიის ოლიმპიადაზეც მონაწილეობენ. 2016 წელს …

კონტაქტი

სასწავლო განყოფილება:  229-48-61

მეთოდური განყოფილება:  291-03-17

დირექცია:  295-45-75

E-mail: info@mziuri.ge